Məktəblilər üçün "Təmiz Şəhər" ASC-nin təsərrüfat sahələrinə məlumat turu təşkil edilib
05/11/2024 17:24
Bakının Sabunçu rayonunda yerləşən 81 nömrəli məktəbin şagirdləri üçün “Təmiz Şəhər” ASC-nin təsərrüfat sahələrinə məlumat turu təşkil edilib. Tur iştirakçılarına tullantıların ətraf mühitə təsiri və təkrar emal imkanları ilə bağlı ətraflı məlumat verilib. Balaxanı bərk məişət tullantılarının çeşidlənməsi zavodu və Balaxanı Sənaye Parkında olan məktəblilər tullantıların zərərsizləşdirilməsi, eləcə də təkrar emal prosesini əyani şəkildə izləyiblər. Tur iştirakçılarına bərk məişət tullantılarının düzgün idarə edilməsinin vacib mərhələləri ilə bağlı məlumat verilib. Tullantıların çeşidlənməsi hesabına təkrar emalın həcminin artdığı vurğulanaraq, bu prosesdə cəmiyyətin hər bir üzvünün iştirakının vacib olduğu bildirilib.
