“ADA – Avropa Birliyi 2018” yay məktəbinin iştirakçıları üçün Balaxanı Sənaye Parkına tur təşkil edilib
25/07/2018 03:04
İyulun 9-da ADA universitetində “Təmiz Şəhər” ASC-nin təşkilatçılığı ilə 160 şagirdin iştirak etdiyi “ADA – Avropa Birliyi 2018” adlı 3-cü yay məktəbi fəaliyyətə başlayıb.
Məktəbin 3-cü həftəsində iştirakçılar ölkəmizdə “yaşıl iqtisadiyyat”ın inkişaf etdirilməsi məqsədi ilə yaradılmış Balaxanı Sənaye Parkı ilə də tanış olublar. Şagirdlərə təkrar istehsal sahəsinə maraq göstərən sahibkarlar üçün əlverişli şəraitin yaradıldığı Balaxanı Sənaye Parkında işlənmiş mühərrik yağlarının, tullantı plastik butulkaların, kağız-karton məmulatların, tullantı plastik materiallarının, süngər tullantılarının təkrar emalı sahələri üzrə fəaliyyət göstərən rezidentlər barədə məlumat verilib.
