ADA Universiteti və “Təmiz Şəhər” ASC-nin şagirdlər üçün təşkil etdiyi “Yay məktəbi” davam edir
30/07/2024 17:20
ADA Universiteti və “Təmiz Şəhər” ASC-nin təşkilatçılığı ilə məktəblilərin ətraf mühit və tullantıların düzgün idarə olunması ilə bağlı məlumatlılığını artırmaq məqsədilə 9-cu “Yay məktəbi” keçirilir.
Dörd həftə davam edən “Yay məktəbi”ndə iştirakçılara tullantıların ətraf mühitə vurduğu ziyan, qida tullantılarının azaldılması, təkrar emal, ekoloji layihələrin idarə olunması, tullantılardan alternativ enerji əldə edilməsi barədə ətraflı məlumat verilib. Bilik və bacarıq qazanmaq üçün əlverişli mühit olan bu düşərgəyə hər il müxtəlif təhsil müəssisələrindən xeyli sayda şagird qatılır.
Yay düşərgəsində müxtəlif sahələrdən mütəxəssislər və peşə sahiblərinin iştirakı ilə nəzəri və praktiki təlimlər təşkil olunur. Düşərgədə “Təmiz Şəhər” ASC-nin əməkdaşları tərəfindən cəmiyyətin fəaliyyəti və tullantıların düzgün idarə edilməsi ilə bağlı ətraflı məlumat verilib. Təlimdə düşərgə iştirakçılarını maraqlandıran suallar cavablandırılıb və bərk məişət tullantılarının çeşidlənməsi prosesində onların rolunu əyani şəkildə göstərən interaktiv oyunlar təşkil olunub.
