COP29 Könüllüləri “Təmiz Şəhər” ASC-nin təsərrüfat sahələrində olublar
16/08/2024 10:07
COP29 Könüllüləri tərəfindən keçirilən “Təkrar emal fəalları” adlı növbəti təmizlik aksiyasında toplanan tullantılar “Təmiz Şəhər” ASC-yə təhvil verilib və könüllülərin iştirakı ilə Cəmiyyətin təsərrüfat sahələrinə məlumat turu təşkil edilib.
COP29 Könüllülərinə “Təmiz Şəhər” ASC-nin fəaliyyəti, Bakı şəhərində bərk məişət tullantılarının idarə edilməsi və təkrar emal prosesi ilə bağlı ətraflı məlumat verilib. Könüllülər Bakı Bərk Məişət Tullantılarının Yandırılması, Balaxanı Bərk Məişət Tullantılarının Çeşidlənməsi Zavodlarında və Balaxanı Sənaye Parkında tullantıların yerləşdirilməsi, zərərsizləşdirilməsi, eləcə də təkrar emal prosesini izləyiblər. Tur çərçivəsində iştirakçıları maraqlandıran suallar ətrafında fikir mübadiləsi aparılıb və təkrar emal sahəsinin genişləndirilməsi üçün ilkin çeşidləmənin vacibliyi vurğulanıb.
