Facility Management Group şirkətinin əməkdaşları “Təmiz Şəhər” ASC-nin təsərrüfat sahələrində olub
23/09/2024 12:07
Bakı bərk məişət tullantılarının yandırılması zavodu və Balaxanı bərk məişət tullantılarının çeşidlənməsi zavodunda olan qonaqlar tullantıların zərərsizləşdirilməsi, eləcə də təkrar emal prosesini əyani şəkildə izləyiblər. Bildirilib ki, 2012-ci ildən fəaliyyət göstərən çeşidləmə zavodu böyük həcmdə tullantıların ətraf mühitə atılmasının qarşısını almaqda mühüm ekoloji rol oynayır. Tur iştirakçılarına məlumata verilib ki, zavodda çeşidlənən tullantılar Balaxanı Sənaye Parkının rezidentlərini və təkrar emalla məşğul olan digər sahibkarları xammalla təmin etmək məqsədilə onlara yönləndirilir. Qonaqların nəzərinə çatdırılıb ki, Cəmiyyətin təsərrüfat sahələrindən biri olan Sənaye Parkı ölkədə yaşıl iqtisadiyyatın inkişafına əhəmiyyətli töhfə verir və sahibkarların ucuz xammalla təmin olunmasına xidmət edir.
Sonda iştirakçıları maraqlandıran suallar ətrafında müzakirələr aparılıb və tullantıların effektiv idarə olunması üçün ilkin çeşidləmə mərhələsinin əhəmiyyəti vurğulanıb. Bu mərhələnin tullantıların sonrakı emalı və təkrar istifadəsi prosesində əsas rol oynadığı xüsusi olaraq qeyd edilib.
