ADPU tələbələrinə maarifləndirici təlim təşkil olunub
06/11/2024 10:32
“Yaşıl Dünya naminə həmrəylik ili” çərçivəsində və COP29 öncəsi Azərbaycan Dövlət Pedoqoji Universitetində “Təmiz Şəhər” ASC-nin əməkdaşları tərəfindən tələbələrə ekoloji mövzuda təlim təşkil edilib.
“Qlobal iqlim dəyişmələrinin azaldılmasına xidmət edən EKOetik davranışlar” mövzusunda keçirilən təlimdə iqlim dəyişmələrinin qarşısını almaqda fərdlərin və bütövlükdə bəşəriyyətin üzərinə düşən öhdəliklərdən bəhs olunub. Təlimdə həmçinin bərk məişət tullantılarının düzgün idarə edilməsinin vacibliyi vurğulanaraq bu sahədə “Təmiz Şəhər” ASC tərəfindən həyata keçirilən fəaliyyətlərlə bağlı geniş məlumat verilib.
