Kollec tələbələri üçün məlumat turu təşkil edilib
26/11/2024 11:36
Bakı Dövlət Universitetinin nəzdində İqtisadiyyat və Humanitar Kollecin tələbələri üçün ekoloji biliklərin artırılması məqsədilə “Təmiz Şəhər” ASC-nin təsərrüfat sahələrinə məlumat turu təşkil olunub. Tur zamanı tələbələr bərk məişət tullantılarının idarə olunması və təkrar emal prosesləri ilə yaxından tanış olublar.
Əvvəlcə tələbələr Balaxanı Bərk Məişət Tullantılarının Çeşidlənməsi Zavodunda tullantıların çeşidlənməsi prosesini izləyiblər. Daha sonra Balaxanı Sənaye Parkını ziyarət ediblər. Məlumat turu çərçivəsində həmçinin Balaxanı Sənaye Parkında olan qonaqlara bildirilib ki, burada 27 rezident qeydiyyatdan keçib və onlar dövlət tərəfindən tətbiq olunan bir sıra güzəştlərdən faydalanaraq təkrar emalla məşğuldurlar. Tələbələrin diqqətinə çatdırlıb ki, Sənaye Parkında istehsal olunan məhsullar daxili bazarla yanaşı xarici ölkələrə də ixrac olunur.
